میں کیا ݙٹھم (پاکستان
دی سیاسی تاریخ دا نوحہ) - اسجد بخاری - ٢٣ جنوری ٢٠٢٠
کتھ ملاـ تے منصور ݙٹھم
معقول ڈٹھم منقول ݙٹھم
اقرار ݙٹھم انکار ݙٹھم
تے میں کیا ݙٹھم۰۰۰
اکھ کھولی تاں مجبور ݙٹھم
حاکم تے محکوم ݙٹھم
ظالم کوں حقدار ݙٹھم
فوجاں دی سرکار ݙٹھم
کتھ بھک مردے جاندار ݙٹھم
کتھ دولت وافر مال ݙٹھم
ول سڑکیں تے لوکاں کوں غصے نال
ݙیٹھم
ہین صدقے وچ نوئیں ٻوٹاں دی سرکار ٹھم
رت وچ رنگیا میں بنگال ݙٹھم
ول فوجاں کوں جھکدے حال ݙٹھم
ہر نفس کو روندے حال ݙٹھم
ول بنڑتے مسیحا کوئی آیا
اوندا
وی عوامی راج ݙٹھم
چنگی مندی پیپلیاں دی سرکار
ݙٹھم
ول دور قفس دا مڑ آیا
فوجاں نے ڈیرہ آ لایا
ھݨ ظالم کوں حقدار ݙٹھم
فوجاں دی سرکار ݙٹھم
جیلاں سہندے، کوڑے کھاندے یار ݙٹھم دلدار ݙٹھم
ول اسلحے دے انبار ݙٹھم
ملا کوں مالومال ݙٹھم
امبیں دی پیٹی پھٹڑ دے صدقے او ظلمت ڳئی
ول بی بی دا وی راج ݙٹھم
بوٹاں کو سازش حال ݙٹھم
ھنڑ چڑھدی لہندی سرکار دے
ݙینھ
ول کوڑی سچی رات تے ݙینھ
نازو دی سرکار ݙٹھم
ہک گھمڑ وچ گھمکار ݙٹھم
ول ٻوٹاں دی اندھیری مڑ آئی
کجھ دھوڑ چھٹئ تے خونخوار ݙٹھم
وحشی تے ملا کوں ہک حال ݙیٹھم
کجھ خلقت وی ابلیساں نال ݙٹھم
بی بی کوں شہیدیں نال ݙٹھم
سرکار ڈٹھم بے کار ݙٹھم
ٻوٹ پالشیاں دی بھرمار ݙٹھم
لوکیں کو مردے، گم تھیݨ دے
ہر حال ݙٹھم
او میݙا سائیں
تیݙی خلقت مر ڳئی اے
سب سہندے سہندے
کجھ سکھ دا سا وی ݙے ادھار
میاں
ٻݙدی کوں ھونڑ تار میاں
دھرتی تے سویرا چاھڑ میاں
No comments:
Post a Comment